Instalakuntzak

Artaleku Polikiroldegia

Artaleku polikiroldegia, 1987an Irungo zentruan inauguratutako kirol-instalazio bat da. Bertan, igerilekuak, gimnasioak, trinketa eta 2.686 pertsonarentzako ahalmenarekiko polikiroletako pista bat aurki ditzazkegu. Bere erabilera nagusia kirol askotako entrenamenduak eta Bidasoa eskubaloi taldeko partidak dira, nahiz eta eskola garaiko ikasleek (eskola kirola), saskibaloi taldeek, areto-futbolak, ere erabili egiten dituzte. Horrez gain, kontzertuak eta izaera kulturaleko beste ekitaldi batzuk ospatu izan dira.

Uranzu Pilotalekua

Uranzu  Pilotalekua, 1935ko Abuztuaren 1ean eraiki  zen kirol instalakuntza da. Bertan, nahiz eta pilota jokamoldeetako egina izan, kirol asko egin izan dira: eskubaloia, softball, volley ball, saskibaloia, areto futbola… Bidasoa eskubaloi taldea, Artaleku polikiroldegira jolastera joan baino lehen bertan jolasten zuen, aurkarientzat zailtasun handiak suposatuz, bertan ematen zen giroagatik eta pistaren dimentsio txikiengatik.

Euskal Pilotako jokamolde asko jokatzen dira bertan, nahiz eta azpimarragarriena esku pilota izan.

Mtnez. de Irujo, Zabaleta, Titin eta Zubieta bezalako kartel handiko pilotariak etortzen dira urtero Irunek antolatutako ospe handiko Pilota Profesionalaren Jaialdira.

Azken Portu Polikiroldegia

Azken Portu-ren Udal-Kiroldegia 2007ko ekainaren 1ean ateak ireki zituen, lehen fasean bazkideak erakartzeko nahiarekin dohako ekintzak egin ziren ziren. Hortaz, maiatzean zehar jarduera desberdinak antolatu ziren desiratzen zuten pertsonak kiroldegi berrira hurbil zitezela, instalazio berriak bisitatzera, sustapen-jarduera desberdinak egitera eta abonu-formalizaziorako behar zuten informazio guztia jasotzera, helburua inskribatzera animatzea izanik, uda horretan ikastaro ezberdinak eskaini egin ziren, fitnesekoak batez ere.

Modu honetan, ekainaren 2an ate zabaleko jaurdinaldia ezarri zen. Egun horretan, Irundar askok Polikiroldegi berrira bisita bat egitea erabaki zuten, Jose Antonio Santano alkatea bezala. Hori gutxi balitz, bertan izan ziren, halaber, Izaskun Aramburu eta Juanma Garate, eskualdeko kirolari handi bi, eta kiroldegiko ohorezko bazkide izendatu zituzten ekitaldian. Egun hartan instalaziootara hurbildu ziren guztiek izan zuten haren bazter guztiak ezagutzeko parada. Era berean, ekipamenduen funtzionamenduaren lekuko izan ziren, egun hartan jarduera ugari antolatu baitziren nola igerilekuan (waterpoloa, uretako gimnasia …) hala beste aretoetan (cicling, pilateak, aerobic…).

Instalazioen eta jardueren eskaintza emendaturik, hirian kirola egitea bila da Azken Portuko kiroldegiarekin

Instalazio honetan kirola egiteko hiru areto handi daude, bederatzi kalez hornituriko igerilekua, nazio mailako lehiaketei leku egiteko egokia, eta igerian ikasteko beste igerileku txikiago bat, kirol anitzetarako areto estali bat eta hiriko Sparen zirkuitu bat; horiexek dira, Bidasoa ibaiari begira dagoen eraikin moderno honetan, instalazio hauek hiritar guztien eskura ipintzen dituen zerbitzuetatik batzuk.

Azken Portuko kiroldegiarekin emendatu egiten da hiriko kirol instalazioen eskaintza, eta honenbestez hiritarrak kirola egitera bultzatu nahi dira. Azpiegitura berri honek erantzun egiten dio, hein batean bada ere, Irunen ekipamendu berrien aurrean dagoen eskaera handiari, batez ere igerileku berrien aurrean dagoen eskaera handiari.

Gainera, Azken Portuko kiroldegiaren ateak irekita, hobetu egiten dira Artalekuko zerbitzuak eta instalazioak, erabiltzaileen bolumena kiroldegi bien artean banatuko baita eta horrek aukera emango baitu dagoeneko hainbat urte dituen instalazioan behar-beharrezkoak dituen inbertsioak egiteko.

Azkenik, instalazio honek Bidasoa ibaiaren erribera suspertzea eta Artia auzoko urbanizazio orokorra hobetzea bila ditu. Azken Portu eta auzoko egoitza aldea eskailera mekanikoez osatutako atal bik lotuta daude instalazioaren eta bizitokien artean dagoen altuera-aldea gainditzeko eta ibaiaren erriberara neke handiegirik gabe iristeko. Birgaitze garrantzitsua da, Eusko Jaurlaritzaren Izartu programaren diru-laguntza bat jasotzeko adina merezi izan duena degradatutako eremuak birgaitzeko xedean.

Azken Portu kirola, aisia eta bizikidetza sustatuko izan duen kirol zentroa da, eta hiriko ekipamendu publiko garrantzitsuenetako bat izatera ailegatu da ezbairik gabe. Proiektuaren arabera aldi edo fase bitan osatuko da instalazioa, lehenengoa dagoeneko errealitatea bada ere. Izan ere, Udaletxeak nahiko fondoak dituenean honen instalakuntzak handituko eta hobetuko ditu, inbertsio errentagarria dela ikusi izan delako.

Amaia Kultur Zentrua

Amaia kultur zentruan, haurren espektakulu, zinema ekitaldiak, antzerkiak eta kontzertuak ematen dira, hortaz Irunen oso erabilgarria den instalakuntza da.

Honetan, 3 gela ezberdin bereiztu ditzazkegu:

ERAKUSKETA-GELA: 200 m2, non 600 pertsona sartzen diren.

-Zinemak, antzokiak, musikak, dantzak, txontxongiloak, pailazoak…

HITZALDI-ARETOA: 85 pertsonentzako kapazitatea.

-Konferentziak, mahai-inguruak, mintegiak, eta ikus-entzunezko-proiekzioak.

DANTZA-ARETOA: 100 m2

-Dantza klasiko, modernoa egitearen posibilitatea, euskalduna, corporal,etc adierazpena

-Musika-talde, oreka barra, ispiluak, oholtza flotatzailea.

Stadium Gal

Stadium Gal Irungo futbol zelaia da. Bere jabea, Real Union Futbol taldea da, partidak jokatzeko erabiliz. 1902tik aurrera bertan partidak jokatzen bazituzten ere, 1915ean inauguratu zuten. Zelaia 1926an eraiki eta 1997an berreraikia izan zen, gaur egun dagoen bezala geratuz. Belar naturala duen estadio honek 6.500 lagunentzako tokia du. Larunbatero, ondoan dagoen futbol artifizialeko zelaian eskola kiroleko partidak jolasten dira. Horrez gain, noizean behin kontzerturen bat edo beste antolatu izan da.

 Ficoba

Ficobak, Gipuzkoako Erakustazokak, joan den 2003ko urriaren 9an ireki zituen ateak Irunen. Donostia-Baiona eurohiriaren erdi-erdian kokaturik, Ficobaren helburua da Europar Batasuneko mugaz gaindiko lehen erakustazoka izatea lortzea, eta gainera inguruko ETEek produktuak erakutsi ditzaten eta merkatal harremanak izan ditzaten girorik aproposena erdiestea.

Ficobak bereizten duten dimentsio eta posizionamendua ditu. Erakargarri egiten duten izaera erregionalaz eta mugaz gaindikoari bere “giza” tamainaren abantaila gehitu behar zaio, izan ere horri esker zerbitzu pertsonalizatuak eta nahi erakoak eskain ditzake modu zuzenago eta eraginkorragoan. Horretarako Ficobak arreta handiz diseinatutako eta erakusketa eta telekomunikazio ekipamendu modernoenez hornitutako azpiegitura dauka.

 Erakustazokako instalazioek 70.000 m2 baino gehiagoko azalera hartzen dute, eta horietan gune hauek dituen konplexu bat dago: zerbitzu orokorrak, erakusketarako 5.000 m2-ko hiru pabiloi, kanpoaldean 7.500 m2-ko gune bat bereziki prestatua erakusketak egiteko, 1.000 plazako aparkalekua, 340 lurrazpikoak direlarik, sarbideak eta bideak.

Eraikin nagusiak 580 m2-ko ataria du, eta baita honako hauek ere: prentsa aretoa, erakusketarien eta bisitarien artean bilera pribatuak egiteko bulegoak, 125 lagunentzako edukiera duten konbentzio, mintegi eta bileretarako areto balioanitzak, erakusketarientzako VIP aretoa, eta Iñigo Lavado chef-ak zuzentzen duen 500 lagunentzako edukiera duen kafetegi eta jatetxe panoramikoa.

Ficobak badu, gainera, 376 lagunentzako Auditorium bat ere, megafoniaz eta aldibereko hiru itzulpen-kabinaz hornitua, eta diseinu balioanitz horri esker egin ahal dira hainbat kultur ekitaldi, hitzaldi eta ospakizun, egiten diren azokei zerbitzu osagarri bat emateaz gain.

Baiona-Donostia Eurohiriaren Ardatzaren erdian kokatua, Miarritze edo Donibane Lohizune ere nabarmentzekoak izanik, barrutiak XXI. mendeko Europako proiektuaren mugaz gaindiko izaera adierazten du

Europako eskualde honetako jarduera ekonomikoak eta industri enklabeak itsasora irekita egoteagatik sortu dira, bertako bizi-kalitateagatik, azpiegituren garrantziagatik eta informazioaren eta berrikuntzaren alde egin duen apustuagatik.

Bertako Barne Produktu Gordinaren (BPG) hazkundea Europako Batasunekoa (EB) baino handiagoa da, neurri handi batean, eraikuntzaren portaera onak eta, batik bat, industriak eraginda, metalurgia, material elektrikoaren sektorea, makineria, zurgintza eta papergintza ere nabarmentzekoak izanik.

Pisu handia duen beste sektorea garraioari, banaketari eta logistikari lotutakoa da, garapenerako eta hazkunderako aukera berriak eskainiz.

Euskal Kostaldeko enpresa-ehunaren aberastasuna agerikoa da teknologi parkeetan egin diren inbertsioetan. Teknologi parke horiek harreman estua dute unibertsitateekin eta eskola profesionalekin. Horien artean, Donostiako Miramongo Teknologi Parkea eta Bidarteko Izarbel Teknopolia ditugu.

Zentro horietan goi-mailako teknologi enpresak daude bilduta, hain zuzen ere punta-puntako sektoreetan dihardutenak, adibidez aeronautika, mekanika, informatika, mikroelektronika, telekomunikazio eta abarretan.

Sektore publiko eta pribatutik teknologi industriak jasotako laguntza bere esportazioen bolumenean geratzen da agerian, azken hamar urteotan laukoiztu egin dela kontuan izanik.

           

Plaiaundi Kirol Gunea

-ATLETISMO-PISTA

-ATLETISMO-GIMNASIOA

-ERRUGBI-ZELAIA

-FUTBOL-ZELAIA

-Instalazio honetan beren jarduerak talde ezberdinek garatzen dituzte:

1) Atletismo pistako eta Errugbi-Zelaiakoak:

-Bidasoa Atletiko Taldea (BAT)

-Irun Errugby Kluba

2) Plaiaundiko futbol zelaiako erabiltzaileak:

*C.D. BEHOBIA

*C.D. DUMBOA

*C.D. BAT-EGITE ERREALA

*C.D. LANDETXA

*C.D. MARIÑO-a

*C.D. BIDASOA CELTIC-a