Kirolari ospetsuak

Izaskun Aranburu

Izaskun Aranburu Balda (Irun, Gipuzkoa, 1975eko abenduaren 27a -) piraguista ohia da, ur lasaietako kayakean aritzen zena. Euskal Herriko piraguismoak eman duen kirolaririk onenetakoa da. Hamar urte zituela hasi zen piraguismoa praktikatzen, Donostiako Fortuna Kirol Elkarteaan, baina emaitzarik onenak Irungo Santiagotarrak Kirol Elkartearekin erdietsi ditu. Hortaz, klubak gaur egun duen garrantziaren kausa bat Izaskun bera da.

Hamabost urte zituela lortu zuen lehen Espainiako txapelketa K-2 modalitatean, eta orduz geroztik zenbatezinak dira lortu dituen titulu eta dominak. Besteak beste, aipagarriak dira: brontzezko domina 1993ko Junior Mailako Munduko txapelketan; zilarrezko domina 1997ko Europako Senior txapelketan; 1997ko eta 1998ko Munduko txapelketan brontzeko bi domina, K-2 eta K-4 sailetan; 1997ko Munduko Kopan urrezko domina; 1999ko Europako txapelketan zilarrezko eta brontzezko dominak, K-4 eta K-2 sailetan.

Hala ere, lorpen garrantzitsuena 1999ko Munduko txapelketan, K-2 sailean, lortutako urrezko domina da. 2000. urteko Munduko Kopan zilarrezko domina eskuratu zuen K-4 200 metroko sailean, Alemaniako Duisburgen jokatutako estropadan. Hungarian jokatutako Munduko Koparen proban K-2 saileko 200 metroko proban brontzezko domina ere irabazi zuen Izaskun Aranburuk.

Juanma Garate

Juan Manuel Garate Cepa (Irun, 1976ko apirilaren 24a -) euskal txirrindularia da, 2000. urtetik profesionala dena.

Bere ibilbidean zehar, Italiako Giroan emaitzarik onenak izan ditu, bertan 4.a 2002an, 10. 2004ean, 5.a 2005ean eta 7.a 2006an sailkatu zen. 2006an, gainera, etapa bat eta mendiko sailkapena lortu zituen. Itzulian 2001an etapa bat eta Frantziako Tourran 2009an beste bat lortu dituenez, hiru Itzuli nagusietan etapa irabazle diren txirrindulari gutxienetariko bat da,horietatik Mont Ventoux-en lorturikoa ospetsuena izanik. 2007 urtean bigarren postuan sailkatu zen Donostiako Klasikan.

Orain arte, 4 talde ezberdinetan egona da, denak ospe handikoak:

-Lampre

-Saunier Duval

-Quick Step

-Rabobank

Ander Elosegi

Ander Elosegi Alkain (Irun, 1987eko azaroaren 14a -) euskal kirolaria da, ur bizietako kanoa monoplazan (C1) modalitatean aritzen dena.Santiagotarrak Kirol Elkartean aritzen da.

2008ko Olinpiar Jokoetan parte hartu zuen lehen aldiz. Abuztuaren 12an C-1eko finalean laugarren postuan geratu izan zen. Azken aurreko atean egindako huts batek podiumera igotzeko aukerarik gabe utzi zion. Izan ere, bi segundoko zigorra jaso zuen ate hori ukitzeagatik. Segundo eta erdi hartu zion aurre hirugarren sailkatuak.. 2012ko Olinpiar Jokoetan  berriz ere 4. postua erdietsi zuen, beraz Munduko txapelketetan eskuratutako emaitza onez gain, bi diploma olinpiko dauzka.

 Julen Aginagalde

Julen Aginagalde Akizu (Irun, 1982ko abenduaren 8a) euskal eskubaloi jokalaria da. Beti, pibote postuan jokatzen du Asobal ligako Atletiko Madridl taldean. Julen Aginagalde, Bidasoa Irun taldean jardun zuen 1999tik 2006 urtera arte. Hortik, Leongo Ademarrera joan zen eta 3 urte bertan egon eta gero, lorpen handiak lortu zituen Ciudad Real taldera. Bere bizitzan zehar taldeekin garaipen asko lortu ditu, ligako txapeldun, Europako txapeldun, kopako txapeldun… Horrez gain, Espainiako selekzioarekin bi brontzezko domina lortu ditu, bata Mundialean eta bestea Olinpiar jokoetan, 2013an lortutako urrezko domina Espainiako mundialean ahaztu gabe. Talde lorpenak alde batera utziz, indibidualki nazioarteko errekonozimendua lortutako jokalaria dugu, izan ere, asobal ligako piboterik eta jokalaririk onena izendatua izan da, 2013an munduko 3. jokalaririk onena izendatu zuten.

Julen Aginagalde, Irundar ospetsuenen artean dago, izan ere, edozein aukeraren aurrean Irungo ikurrina bere lepora lotu egiten du, hemen ikusi daitekeen bezala. Horrek irundar izateaz harro sentiarazten gaitu, eta gure identifikazioa herriarekin sendotzen du.

Juan Jose Aranburu

Juan Jose Aranburu Amorena  (Irun, 1981eko urriaren 13a -) euskal kirolaria da, tiroko skeet modalitatean aritzen dena.

 Munduko txapelduna izana da duela bi urte Serbian. Gainera zilarrezko domina lortu zuen 2007 hemen Espainian, Granadan hain zuzen. Azkenik, bere lehen lorpena brontzezko domina izan zen, Txipren izan zen eta 2004. urtean.